Loading…

Trajneri i Spanjës: Shqipëria një skuadër e rrezikshme

  • 08/12/2023 | 21:53

Trajneri i Spanjës: Shqipëria një skuadër e rrezikshme

Është cilësuar padyshim si grupi më i hekurt i fazës finale të Evropianit të vitit të ardhshëm në Gjermani, teksa ka vënë përballë skuadra kampione bote dhe Evrope si Spanja e Italia, por edhe nënkampionen e botës, Kroacinë dhe Shqipërinë, që vjen për herë të dytë në fazën finale të kësaj veprimtarie kontinentale.


Dhe Trajneri i Spanjës, Luis De La Fuente, ka dhënë së fundmi një intervistë speciale për të përditshmen sportive spanjolle, “Marca”, duke komentuar shortin e “Euro 2024”-ës dhe duke paralajmëruar kundër nënvlerësimit të Kombëtares kuqezi.

Madje, duke folur për median në fjalë, trajneri spanjoll e ka konsideruar Shqipërinë si një skuadër tepër të rrezikshme.

“Një vit kaloi shumë shpejt, – ka thënë ai fillimisht. “Shumë gjëra ndodhën dhe për fat, thuajse të gjitha ishin shumë të bukura, – ka theksuar ai, duke vijuar: “Për sa i përket shortit, të gjithë rivalët tanë janë të nivelit të një veprimtari siç është Kampionati Evropian, skuadra të nivelit të lartë. Të gjithë grupet janë të forta dhe komplekse.

Por, ndoshta grupi ynë i përket një niveli edhe më të lartë, gjë që na detyron të jemi të përqendruar në maksimum që në fillim. Italinë dhe Kroacinë i njohim në perfeksion. Por edhe Shqipërinë, një skuadër tepër e rrezikshme.

Do ta nisim fuqishëm, sepse dy rivalët e parë janë Kroacia dhe Italia, por përvoja ime më thotë se në këto turne ka rëndësi të madhe të jesh i fokusuar që në fillim”, – ka përfunduar 62-vjeçari spanjoll, Luis de la Fuente.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë