Albin Kurti, kryeministër i Kosovës, është takuar me emisarin e Britanisë së Madhe për dialogun Kosovë-Serbi, Stuart Peach, shkruan Gazeta Metro.
Në këtë takim, është diskutuar për zhvillimet dhe trazirat që po ndodhin në veri të Kosovës.
Po ashtu, i pari i qeverisë, siç ka njoftuar edhe vetë në postimin e tij në Twitter, ka shprehur gatishmërinë e tij për bisedime të nivelit të lartë nën lehtësimin e BE’së.
Pos kësaj, Kurti ka falënderuar Mbretërinë e Bashkuar për mbështetjen e tyre që i japin Kosovës.
“Patëm një takim natën vonë me Lordin Stuart Peach për të diskutuar më të fundit mbi veriun. U deklarua se qëllimi i vendosjes së policisë ishte vetëm ruajtja e sundimit të ligjit. Ritheksova gatishmërinë time për bisedime të nivelit të lartë nën lehtësimin e BE-së. Falënderova gjithashtu Qeverinë e Mbretërisë së Bashkuar për mbështetjen e tyre”, ka njoftuar Kurti. /gazetametro.net
Had a late-night meeting with Lord Stuart Peach to discuss the latest on the north. Stated that the purpose of deploying police was solely to maintain rule of law. Restated my readiness for high-level talks under EU facilitation. I also thanked the UK Govt for their support. pic.twitter.com/JNgMWTghp1
— Albin Kurti (@albinkurti) May 31, 2023