Tre persona të arrestuar për dhunë në familje
-
06/12/2016 | 12:32
Tre persona janë arrestuar nga Polica e Kosovës të cilët dyshohen për dhunën në familje për dy rastet e raportuara gjatë 24 orëve të fundit në Polici.
Ky është njoftimi që ka dhënë Policia e Kosovës në raportin e saj 24 orësh. Njëri prej rasteve të dhunës është shënuar në Prishtinë, ndërsa tjetri në komunën e Ferizajit.
Në Prishtinë Policia ka arrestuar dy persona, pas një mos një mosmarrëveshjeje verbale, me ç’rast në mesin e tyre ka ndërhyrë bashkëshortja e njërit prej tyre, thuhet në raportin 24 orësh të Policisë.
“Si pasojë e rrahjes ata kanë kërkuar tretman mjekësor dhe më pas, më urdhër të prokurorit janë dërguar në mbajtje”, thuhet në raport.
Ndërsa personi i tretë i arrestuar është nga Ferizaji, i cili raportohet që i dyshuari ka sulmuar fizikisht bashkëshorten dhe vajzën e tij të mitur.
Policia njofton se viktimat e këtij rasti kanë pësuar lëndime trupore dhe kanë pranuar tretman mjekësor.
Ndërsa personi i dyshuar me urdhër të prokurorit është dërguar në mbajte./gazetametro.net
