Trump për Iranin: Ose marrëveshje, ose do ta përfundojmë punën

Presidenti i Shteteve të Bashkuara, Donald Trump, foli për situatën me Iranin, duke deklaruar se Uashingtoni do të arrijë rezultatin e dëshiruar, qoftë përmes një marrëveshjeje, qoftë përmes një veprimi tjetër, transmeton Gazeta Metro.

Gjatë një aktiviteti në Shtëpinë e Bardhë, Trump iu përgjigj pyetjeve të gazetarëve dhe tha se administrata amerikane po synon një zgjidhje, por nuk përjashtoi alternativa të tjera.

“Ose do të bëjmë një marrëveshje, ose do ta përfundojmë punën”, është shprehur ai, duke shtuar se “nuk do të jetë e vështirë ta përfundojmë punën”, deklaroi ai.

Trump theksoi se preferon arritjen e një marrëveshjeje me Iranin, në vend të një skenari që do të mund të ndikonte te miliona njerëz./gazetametro.net