Loading…

Trump refuzoi të dëshmonte para hetuesve, u thirr në Amendamentin e Pestë

  • 11/08/2022 | 07:50

Trump refuzoi të dëshmonte para hetuesve, u thirr në Amendamentin e Pestë

Ish-presidenti i SHBA-së Donald Trump tha se ai u thirr në Amendamentin e Pestë të Kushtetutës së Shteteve të Bashkuara dhe refuzoi t’u përgjigjej pyetjeve në lidhje me biznesin e tij nën betim, në një hetim civil të gjatë të udhëhequr nga prokurorja e shtetit të Nju Jorkut Letitia James.


Trump tha se ai refuzoi t’u përgjigjej pyetjeve në përputhje me të drejtat dhe privilegjet që i janë dhënë çdo qytetari nga Kushtetuta e Shteteve të Bashkuara.

“Unë një herë pyeta: “Nëse jeni i pafajshëm, pse thirrni Amendamentin e Pestë?” Tani e di përgjigjen për këtë pyetje,” thuhej në deklaratë.

“Ju nuk keni zgjidhje kur familja juaj, kompania juaj dhe të gjithë në orbitën tuaj bëhen objektiva të një gjueti shtrigash të motivuara politikisht të pabaza të mbështetur nga avokatët, prokurorët dhe mediat e lajmeve të rreme.”

Prokurorja e shtetit të Nju Jorkut, Letitia James, po heton nëse Organizata Trump ka “fryrë” vlerat e pasurive të paluajtshme.

James thotë në dosjet gjyqësore se Organizata Trump ka ekzagjeruar vlerën e pronës për t’u bërë përshtypje huadhënësve ose ka keqinterpretuar vlerën e tokës për të reduktuar barrën tatimore, duke vënë në dukje pasqyrat financiare vjetore të ofruara bankave për të siguruar kushte të favorshme kredie dhe revista financiare për të justifikuar pozicionin e Trump mes miliarderëve të botës.

Vendimi i Trump për të refuzuar të dëshmojë nën betim vjen vetëm disa ditë pasi agjentët e FBI kontrolluan pronën e tij në Mar-a-Lago në Florida, si pjesë e një hetimi të veçantë federal nëse ai mori të dhëna të klasifikuara kur u largua nga Shtëpia e Bardhë pas përfundimit të presidencës së tij.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë