Loading…

Trump thotë se pati mundësinë ‘ta ndalte’ Facebookun, tregon përse se bëri

  • 09/06/2021 | 12:13

Trump thotë se pati mundësinë ‘ta ndalte’ Facebookun, tregon përse se bëri

Ish presidenti amerikan Donald Trump e ka lavdëruar qeverinë e Nigerisë për ndalimin e Twitterit pasi ky rrjet social e fshiu një postim të presidentit Muhammadu Buhari për shkelje të rregullave.


“Kush janë ata të na tregojnë se çka është mirë dhe keq, kur vetë janë e keqja,” tha Trump në një deklaratë.

Ai iu bëri thirrje edhe shteteve tjera që ta ndalojnë Twitterin dhe Facebookun pasi nuk po lejojnë “fjalën e lirë dhe të hapur”, raporton BBC.

Trump u bllokua nga të dyja platformat pas trazirave në ndërtesën e Kapitolit të ShBA-ve në muajin janar.

Postimet e tij para dhe pas trazirave u raportua se inkurajuan dhunën që ndodhi.

Ndërsa Twitteri e bëri ndalesën për Trumpin permanente, Facebook-u njoftoi javën e kaluar suspendimin, e që përfshinte edhe llogarinë e presidentit në Instagram për të paktën dy vitet e ardhshme.

“Urime shtetit të Nigerisë, që sapo e ka bllokuar Twitterin për shkak se e bllokuan presidentin e tyre,” tha Trump në një deklaratë.

Ai nënkuptoi se duhej ta ndalonte Facebookun gjatë kohës sa kishte detyrën e presidentit, por tha që shefi i kompanisë Mark Zuckerberg “më thirrte vazhdimisht në telefon dhe vinte në Shtëpinë e Bardhë për darkë për të më thënë sa madhështor që isha unë”.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë