Loading…

Tuchel nuk i shkrepi me të parën, Chelsea barazoi me Wolves

  • 27/01/2021 | 22:30

Tuchel nuk i shkrepi me të parën, Chelsea barazoi me Wolves

Chelsea nuk ja doli të nxjerr më shumë se një barazim 0-0 ndaj Wolverhampton Wanderers në ndeshjen e javën e 20-të në Premier League. Kjo ishte ndeshja e parë e Thomas Tuchel në bankën e Chelsea i cili zëvendësoi legjendën e klubit Frank Lampard, që e shkarkoi Roman Abramovich për mungesë rezultatesh, transmeton Gazeta Metro.


Trajneri gjerman, Thomas Tuchel e ka nisur me barazim aventurën e tij në Stamford Bridge.

Pjesa e parë e ndeshjes u karakterizua me dominim të Bluve, të cilët patën disa raste të mira shënimi. Gjermani Kai Havertz që po vuan për formë në Angli pati një rast, siç pati edhe gjermani tjetër Antonio Rudiger, rezultati nuk ndryshoi.

Në pjesën e dytë, vendasit rriten edhe më shumë dominimin dhe rastet në tentim për të gjetur golin. Pa gol përsëri.

Pas këtij barazimi, Chelsea e sheh veten në pozitën e tetë me 30 pikë, ndërsa Wolves zë vendin e 13-të me 23 pikë.

Tuchel erdhi pas Lampard që ishte kritikuar për mungesë edhe të besimit në skuadrën e vet, kjo para ndeshjes së rëndësishme ndaj Leicester FC, ku u mposhtën. Kjo spekulohet se pas gjithë investimeve në verë në futbollistë si Havertz ishte e pritur që Abramovich, legjendë apo jo, do ta shkarkonte Lampard.

Tuchel në anën tjetër në dy vitet e fundit ishte i mbushur me tituj e kupa me Paris Saint Germain, që nuk i shtuan reputacionit të tij. Ai mbahet mend dhe vlerësohet për stilin e lojës sulmuese energjike në Borussia Dortmund dhe Mainz dhe për imponimin e ideve të tij me ngulm në klub. Kjo nuk kishte ndodhur në PSG, ku spekulohet se ishte Tuchel i ishte nënshtruar yjeve Neymar Jr dhe Mbappe, si dhe drejtorit sportiv Leonardo.

Abramovich që njihet si pronari i pamëshirshëm me menaxherët e tij nëse nuk kanë rezultate të mira, nuk pritet të falë as Tuchel nëse ai sillet siç spekulohet se kishte bërë në Paris.

Ish futbollisti anglez dhe tani figurë e rëndësishme në mediat sportive në Britani, Gary Lineker shkroi pas ndeshjes se nuk e sheh që Tuchel do t’i mbijetoj Abramovich pas një ndeshje të tillë. /gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë