Turqit e Kosovës ishin pro Erdoganit

Presidenti i Turqisë, Recep Tayyip Erdogan, ka marrë mbështetjen e shtetasve të Turqisë që jetojnë në Kosovë, në referendumin e zhvilluar sot në Turqi, për ndryshime kushtetuese, që do t’i jepnin atij kompetenca të gjera.

Njëmijë e 561 turq në Kosovë kanë pasur të drejtë vote në referendumin turk, prej të cilëve kanë ardhur 707 vota të vlefshme.

Gjithsej 57.14 për qind e turqve në Kosovë i kanë thënë ‘Po’ ndryshimeve kushtetuese, të cilat do t’i japin Erdoganit kompetenca më të gjera si president, dhe të cilat do ta heqin postin e kryeministrit. /gazetametro.net