Loading…

U pyet për transferimin e Mbappes, Rodrygo jep një përgjigje që lë të hapur gjithçka

  • 11/02/2024 | 08:11

U pyet për transferimin e Mbappes, Rodrygo jep një përgjigje që lë të hapur gjithçka

Real Madridi mori një fitore me rezultat të thellë 4-0 ndaj Gironës, duke vazhduar me hapa të sigurt drejt titullit kampion në La Liga.


Në një ndeshje ku shkëlqyen Vinicius, Bellingham dhe Rodrygo, Real Madridi dhuroi spektakël për shikuesit e pranishëm në stadium.

Pas ndeshjes në konferencë për shtyp u paraqit ylli brazilian Rodrygo, i cili nuk mundi t’i shpëtojë edhe pyetjes për kalimin e mundshëm të Kylian Mbappes tek Real Madridi.

“Nëse Kylian Mbappe vjen, ai do të na ndihmojë neve. Ai është një nga më të mirët në botë dhe unë dua që të luaj me lojtarët më të mirë në botë natyrisht, por nuk mund të them diçka më shumë për këtë çështje”, ka thënë Rodrygo.

Rodrygo mund të thuhet se është lojtari më i afërt me Mbappen, teksa kujtojmë kur në muajin gusht të vitit të kaluar ai postoi një fotografi me yllin francez në një festë.

Real Madridi siç edhe është raportuar së fundmi, po punon për të realizuar transferimin e Mbappes, ndërsa sa i përket rezultateve ata po bëjnë shumë mirë, duke kryesuar tabelën në La Liga dhe tashmë me trofeun e fituar të Superkupës së Spanjës./Telegrafi/

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë