Loading…

Ukraina paralajmëron Rusinë: Sulmi do të ishte shumë i kushtueshëm

  • 25/11/2021 | 12:47

Ukraina paralajmëron Rusinë: Sulmi do të ishte shumë i kushtueshëm

Ministri i Jashtëm i Ukrainës, Dmytro Kuleba, e paralajmëroi Rusinë të enjten se një sulm ndaj vendit të tij do të shkaktonte humbje politike, ekonomike e njerëzore dhe do të ishte shumë i kushtueshëm.


Rusia ka grumbulluar forca afër kufirit të saj me Ukrainën dhe Kievi, Shtetet e Bashkuara dhe NATO-ja kanë ngritur shqetësim për një sulm të mundshëm nga Rusia. Kremlini ka thënë se një gjë e tillë nuk qëndron, shkruan Reuters, transmeton Gazeta Express.

“Ne nuk po përpiqemi që të hamendësojmë se çfarë ka në kokën e Putinit. Po punojmë për t’i dhënë atij një të kuptuar të qartë – një sulm i ri ndaj Ukrainës do të jetë shumë i kushtueshëm, prandaj është më mirë të mos bëhet”, tha kryediplomati ukrainas.

Ai tha se qëllimi kryesor i Kievit është që t’ia parandalojë Rusisë “veprimet e mëtejme agresive”. “Për ta bërë këtë, Moska duhet të kuptojë qartë se çfarë humbje politike, ekonomike e njerëzore do të shkaktonte në rast të një faze të re të agresionit”, shtoi ai.

Shefi i inteligjencës ushtarake të Ukrainës i tha faqes “Military Times” në fundjavë se Rusia ka mbi 92.000 trupa përgjatë kufirit me Ukrainën dhe se është duke u përgatitur për një sulm për fundin e janarit ose fillimin e shkurtit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë