Loading…

Ulje temperaturash dhe stuhi, ja si pritet të jetë moti në Kosovë nga nesër

  • 06/08/2022 | 22:26

Ulje temperaturash dhe stuhi, ja si pritet të jetë moti në Kosovë nga nesër

Edhe dita e Shtunë u dominua nga masat e nxehta afrikane, ndërsa të Dielën pritet të depërtojnë masa më të freskëta ajrore, duke sjellur destabilizim të motit.


Nën këto kushte, moti parashikohet me diell dhe vranësira, të cilat gjatë orëve të pasditës pritet të marrin karakter zhvillimi dhe të gjenerojnë rrebeshe lokale shiu e shkarkesa rrufesh.

Nga java e ardhshme pritet paqëndrueshmëri më e madhe në kushtet e motit, duke u karakterizuar me diell dhe vranësira, ku kohë pas kohe priten rrebeshe lokale shiu, shkarkesa rrufesh e breshër.

Njëkohësisht edhe temperaturat do të pësojnë ulje të ndjeshme, sidomos nga dita e Martë, duke bërë që maksimalet në pjesën dërrmuese të vendit të jenë për disa gradë nën vlerën 30°C.

Reshjet do të jenë të karakterit lokal, megjithatë gjasat për reshje janë pothuajse në gjithë javën, me shpresë që të gjitha zonat do të përfitojnë nga këto të reshura në njërën prej ditëve.

Për më shumë detaje ju lutem t’i ndiqni informatat tona të përditshme në platformën më të saktë meteorologjike në Kosovë. /MeteoKosova/

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë