Universiteti i Prishtinës pjesë e një agjensie të rëndësishme
-
14/12/2016 | 17:58
Universiteti i Prishtinës “Hasan Prishtina” sapo ka marrë konfirmimin se është anëtarësuar në Agjencinë Universitare Frankofone (AUF). Ky është lajmi që ka dhënë për gazetametro.net, Prorektori për Bashkëpunim Ndërkombëtar në UP, Afrim Hoti.
Për Hotin, anëtarësimi në një agjenci të tillë është sukses dhe e arritur e madhe për Universitetin e Prishtinës.
“Normalisht është sukses dhe e arritur e madhe për UP për faktin që tashmë ajo është pjesë e këtij Asociacioni dhe mund të jetë përfituese e të gjitha projekteve me natyrë akademike si shkëmbime të stafit dhe studentëve, programe të ndryshme studimore, përfitime nga pervoja e universiteteve me renome që janë pjesë e AUF etj”, tha Hoti për gazetametro.net.
Agjencia Universitare Frankofone (AUF) është asociacion ndërkombëtar ku përfshihen universitete, rrjete akademike dhe qendra për kërkime shkencore që përdorin gjuhën franceze në mbarë botën.
Me një rrjet prej 182 anëtarësh nga 104 shtete, është një ndër asociacionet më të mëdha të edukimit të lartë dhe kërkimit shkencor në botë./gazetametro.net
