Thaçi uron Trump’in, Hillary’t gjithmonë mirnjohës
-
09/11/2016 | 12:47
Presidenti i Kosovës, Hashim Thaçi, ka uruar Donald Trumpin për fitoren në zgjedhjet presidenciale në Amerikë.
Presidenti Thaçi, ka thënë se miqësia mes dy vendeve është bazë e thellimit të bashkëpunimit dypalësh.
“Duke qenë i vetëdijshëm për rolin udhëheqës të Shteteve të Bashkuara të Amerikës në arenën ndërkombëtare, jam i bindur se presidenti i zgjedhur, me përgjegjësinë më të lartë, do t’i adresojë sfidat e shumta në nivel global”, ka shkruar Thaçi.
Ai me tej ka shprehur mirënjohje Hillary Clinton, për mbështetjen e saj për Kosovën.
“Miqësia e përhershme ndërmjet dy vendeve dhe popujve tanë është bazamenti mbi të cilin do ta vazhdojmë thellimin e bashkëpunimit dypalësh. Sekretares Clinton i jemi përgjithmonë mirënjohës për mbështetjen e saj të vazhdueshme për popullin dhe shtetin e Kosovës”. /gazetametro.net
