”Ushtria të bëhet duke ruajtur partneritetin ndërkombëtar”
-
09/03/2017 | 21:59
Deputeti i LDK-së, Armend Zemaj ka thënë se krijimi i Ushtrisë së Kosovës është çështje që i përket interesit nacional.
“Është e drejtë legjitime e popullit të Kosovës që ta ketë ushtrinë e vet. Është kërkesë që është trajtuar në dy tre vitet e fundit. Ky proces ka rrugëtimin e vet, qoftë nga brenda, qoftë me partneritetin ndërkombëtar, me në krye SHBA”.
Ai si i ftuar në Zona e Debatit në Klan Kosova ka thënë se partia ku ai bën pjesë është që transformimi i FSK-së të bëhet, por duke ruajtur edhe marrëdhëniet me ndërkombëtarët.
“LDK është që FSK të transformohet duke ruajtur edhe partneritetin ndërkombëtar. Të jetë e pavarur dhe ta mbrojë sovranitetin e vendit. Insistimi im ka qenë që ne të kërkojmë që brenda nenin 126 të Kushtetutës së avancuar”.
