Loading…

Vazhdojnë problemet në shkolla: Edhe 5 mësimdhënëse rezultojnë pozitive me koronavirus

  • 21/09/2020 | 18:15

Vazhdojnë problemet në shkolla: Edhe 5 mësimdhënëse rezultojnë pozitive me koronavirus

Në mesin e mësimdhënësve të infektuar, janë 5 mësuese të shkollës “Abdyl Frashëri” në Prizren.


Pas konfirmimit të këtyre rasteve, këto mësuese janë izoluar dhe po punojnë në distancë me nxënësit e tyre, njofton drejtori i ciklit të ulët të kësaj shkolle, Alidin Flugaj.

Mbrëmë kanë rezultuar pozitive me Covid-19 pesë mësimdhënëse të shkollës “Abdyl Frashëri” në Prizren.

Drejtori Alidin Flugaj tha për Televizionin e Prizrenit se pas marrjes së informacionit nga institucionet shëndetësore, kemi kontaktuar me mësueset të cilat më pas i kanë njoftuar prindërit e nxënësve që fëmijët mos t’i dërgojnë në shkollë, por të mbahet mësimi në distancë me ata për shkak të kësaj çështje.

Drejtori Flugaj thotë më tej se, në bashkëpunim me organet tjera kompetente i kemi ndërmarrë të gjitha masat kundër përhapjes së virusit, dhe se nga dita e nesërme do të testohen edhe 13 mësimdhënëse, të cilat dyshohen se kanë pasur kontakte me koleget e tyre që kanë rezultuar pozitive me Covid-19.

Këto raste i konfirmon edhe drejtoresha e Arsimit, Xhemile Thaçi- Vezgishi, e cila njofton se përveç shkollës ” Abdyl Frashëri”, edhe disa mësimdhënës të shkollës ” Lekë Dukagjini” dhe ” Dëshmorët e Zhurit” kanë rezultuar pozitiv.

Ajo thotë se duke pasur parasysh se jemi përgatitur për mundësinë e infektimit të mësimdhënësve dhe stafit të shkollave, po veprojmë sipas planeve që kemi që mësimi të zhvillohet në distancë si pasojë e infektimit të punëtorëve arsimor.

Ndryshe, mësimdhënësit që kanë rezultuar pozitiv, ndodhen në vetizolim dhe do të zhvillojnë mësim online me nxënësit e tyre përgjatë dy javëve, ndërsa gjendja e tyre shëndetësore paraqitet stabile, njoftuar zyrtarë të institucioneve shëndetësore dhe atyre të sektorit të arsimit në Prizren.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë