Loading…

Vejvoda: Angazhimi i Grenellit e zgjoi nga gjumi Evropën, papritur u bë shumë aktive

  • 03/07/2020 | 11:28

Vejvoda: Angazhimi i Grenellit e zgjoi nga gjumi Evropën, papritur u bë shumë aktive

Ivan Vejvoda, pjesë e Institutit të Vjenës për Shkenc Sociale në një intervistë për Zërin e Amerikës ka folur për procesin e dialogut në mes të Kosovës dhe Serbisë dhe angazhimin e Washingtonit dhe Brukselit.

Vjevoda thotë se puna e emisarit të Trump, Richard Grenell, në raport me dialogun Kosovë-Serbi, ka bërë që të zgjohet nga gjumi dhe të aktivizohet Bashkimi Evropian.

“Ajo që bëri ambasadori Richard Grenell dhe ajo që po ndodh, në të vërtetë ka bërë që Evropa të zgjohet dhe papritur të bëhet shumë aktive, marrë parasysh që organizuan një takim në Bruksel, dhe tash thonë se së shpejti do të ketë një takim në Paris”, ka thënë Vejvoda.

Ai tutje ka thënë se për të gjetur një zgjidhje finale për Kosovën dhe Serbinë duhet një bashkëpunim në mes të Brukselit dhe Washingtonit.

Vejvoda thotë se Evropa ka rol kyç por që nuk mund të gjendet një zgjidhje pa përfshirjen e Amerikës, marrë parasysh rolin amerikan në rajon përgjatë 30 vjetëve të fundit.

“Sigurisht, Amerika, ka ndikimin e vet me institucionet financiare si Banka Botërore dhe Fondi Monetar Ndërkombëtar”, ka thënë ai, duke shtuar se me këto institucione mund të ndihmojë dy shtetet drejt zhvillimit në rast se arrihet marrëveshja.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë