Veprimtar, shkrimtar e muzikant: Lexoni 6 fakte që s’i keni ditur për Jusuf Gërvallën

FOTO: Jusuf e Bardhosh Gërvalla 

Jusuf Gërvalla ka qenë veprimtar, shkrimtar dhe muzikant shqiptar. Ka qenë themelues i grupit irredentist Lëvizja Kombëtare për Çlirimin e Kosovës, shkruan Gazeta Metro.

---

Jusufi ishte nga Deçani, ka studiuar Ljubjanë, më pas punoi si gazetar në Shkup e Prishtinë. Për t’ju njohur më mirë jetën e këtij veprimtari të madhe Metro ju sjellë 6 fakte që ndoshta s’i keni ditur:

1. Ka qenë veprimtar, shkrimtar, gazetar dhe muzikant.

Më 1 shtator 1973, Jusufi punësohet në Rilindje si gazetar kulture. Madje, të tjerët e kujtojnë si gazetarin i cili udhëhiqte emisione muzikore dhe njëkohësisht shkruante për to.

2. Në një moshë të re, ai bëhet pjesë e Lëvizjes Nacionalçlirimtare, e cila në atë kohë udhëhiqej nga Adem Demaçi. Jusufi bashkëpunëtor kryesor e kishte Sabri Novosellën.

3. Si një nacionalist i zëshëm, hyri në radarin e Policisë sekrete jugosllave, duke u shtytur të kërkonte azil në Gjermani ku themeloi Lëvizjen Popullore për Republikën e Kosovës.

4. Pas mbarimit të shkollës fillore me sukses të shkëlqyeshëm, vie koha për të vazhduar në shkollë të mesme, mirëpo kushtet materiale familja e tij nuk i kishte stabile. Në krah i del daja nga Peja, i cili vendos që ta marrë përsipër shkollimin e tij

5. Në letërsi, ai nuk i takonte qarkut të “lapidaristëve” të poezisë fjalëpakë që e shoshiste të tashmen me shkrimin simbolplotë alegorik në petkun e arkaikes mbikohore e në frymën e visarit të traditave të lashta gojore.

6. Adem Demaçi, si bashkëpunëtor i Gërvallës, e vlerësonte lart kontributin e tij.

“Ai ishte shumë trim, shumë i vendosur. Nuk përtonte të vdiste për atdheun e vet”, kishte thënë Demaçi për dokumentarin kushtuar treshes heroike

17 janari i vitit 1982 do të mbetet në kujtesën shqiptare si një datë e cila rezultoi me humbjen e tre veprimtarëve të çështjes kombëtare. Në afërsi të  Untergruppenbach të Heilbronn-it, mebtën të vrarë Jusuf e Bardhosh Gërvalla, bashkë me Haxhi Zekën./gazetametro.net