Loading…

Vërtetohet dënimi prej 27 vjet burg për mësuesin që vrau drejtorin e arsimit

  • 27/03/2017 | 12:10

Vërtetohet dënimi prej 27 vjet burg për mësuesin që vrau drejtorin e arsimit

Gjykata e Apelit në seancën e kolegjit të mbajtur me 09.03.2017,e ka vërtetuar aktgjykimin e Gjykatës Themelore në Prishtinë, të mbajtur më 10 tetor të vitit 2016, në bazë te të cilit i akuzuari G.S., është dënuar me 27 burgim për veprën penale vrasje e rëndë.

Në këtë mënyrë kolegji penal i ka refuzuar si të pa bazuara, ankesat e prokurorisë, palës se dëmtuar dhe avokatit mbrojtës.

Gjykata e Apelit konstatoi se gjykata e shkalës se parë nuk ka bërë shkelje të dispozitat e procedurës penale, ka vërtetuar drejtë gjendjen faktike si dhe e ka aplikuar mirë ligjin penal.

Po ashtu sipas vlerësimit të Gjykatës së Apelit, gjykata e shkallës së parë, drejtë dhe në mënyrë të plotë i ka konstatuar dhe vlerësuar të gjitha rrethanat që ndikojnë në caktimin e llojit dhe lartësisë së dënimit në përputhje me ligjin.

Gani Sahiti është shpallur fajtor për vrasjen e drejtorit të Arsimit në komunën e Prishtinës Remzi Salihu, vrasje kjo që ka ndodhur më 3 tetor të vitit 2011 në zyrën e drejtorit Salihu./KosovaPress/

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë