Loading…

Veseli shpesh bëhet se është kryeministër

  • 27/11/2016 | 15:30

Veseli shpesh bëhet se është kryeministër

Shefi i Grupit Parlamentar të AAK-së, Pal Lekaj, ka vlerësuar se kryeparlamentari Kadri Veseli shpeshherë po e luan rolin e kryeministrit.

Ai ka thënë se veprimet e fundit të Veselit e Zëvendëskryeministrit Ramiz Kelmendi, të cilët po marrin pjesë në përurime të fabrikave e shkollave të ndryshme, bëhen zakonisht në kohëra fushatash.

“Kjo çështja e investimeve dhe turrit për të prerë shirita sidomos në kohërat e fushatave elektorale, tashmë është bërë e zakonshme. Mjerimi është që nuk po punohet për shtetin por shtetin po ja përshtatin vetes disa funksionar, e kjo është më rrezik për të ardhmen e Kosovë”, ka deklaruar ai për Zëri.info.

Sipas tij, këto premtime e prerje të shiritave për kinse investimeve, kanë bërë që qytetarët të humbasin besimin komplet në sistemin politik të vendit.

Në këtë drejtim siç është shprehur Lekaj, shpesh ka edhe përzierje të funksioneve, siç është rasti i kryetarit të kuvendit.

“Në këtë drejtim ka nganjëherë, ngatërresa edhe të funksioneve, ta zëmë e sheh shpesh kryeparlamentarin duke e luajtur rolin e kryeministrit, presidenti takohet me strukturat partiake e më mësimdhënës të vendit ku shpejt do të kemi zgjedhje e kështu radhazi, aspak nuk respektohet rendi shtëpiak i shtetit dhe nuk kuptohet kush në të vërtetë është çka”, ka shtuar tutje Lekaj.

Deputeti i AAK-së gjatë bisedës, ka thënë se gjendja në Kosovë është në stagnim total.

Sipas tij, çdo ide se vendi nuk ka nevojë për zgjedhje është një hap mbrapa për Kosovën.

“Kosova jo që ka nevojë urgjente të shkojë në zgjedhje, por çdo ide në çdo moment, se nuk kemi pse organizojmë zgjedhje, se gjithçka po shkon mirë, për Kosovën është vendnumëro mbrapa, jo vetëm ndalje, që nesër do të jetë një rifillim shumë i vështirë”, ka përfunduar Lekaj./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë