Loading…

Veseli takon Kongresmenin Zeldin, me rastin e miratimit të rezolutës për vëllezërit Bytyçi

  • 18/07/2019 | 18:21

Veseli takon Kongresmenin Zeldin, me rastin e miratimit të rezolutës për vëllezërit Bytyçi

Kryetari i Kuvendit të Kosovës, Kadri Veseli, ka takuar sot Kongresmenin Lee Zeldin, i cili bashkë me Kongresmenin Eliot Engel ka sponzorizuar Rezolutën për vëllezërit Bytyçi, të vrarë nga forcat serbe gjatë kohës së luftës në Kosovë, transmeton Gazeta Metro.


Përmes kësaj rezolute e cila u votua dje nga Komiteti për punë të Jashtme i Kongresit Amerikan, i bëhet thirrje Serbisë që të gjejë dhe të dënojë kriminelët serbë që kanë vrarë vëllezërit Bytyçi.

Kryeparlamentari Veseli e falënderoi kongresmenin Zeldin për përkushtimin e tij në hartimin e rezolutës për vëllezërit Bytyçi si dhe për angazhimin e tij dhe të Kongresit Amerikan që kjo rezolutë të miratohet.

Me këtë rast Kongresmeni Zeldin theksoi se gjetja dhe dënimini vrasësve të vëllezërve Bytyçi është parakusht për Serbinë për rregullimin e raporteve me SHBA.

Kryeparlamentari Veseli e informoi kongresmenin për iniciativën e tij për formimin e Tribunalit për gjenocidin serb në Kosovë, si një hap që duhet të ndërmerret për të sjellë drejtësi për mijëra viktima civile.

Po ashtu Veseli dhe Zeldin biseduan edhe për zhvillimet tjera politike në Kosovë e regjion, si dhe për bashkëpunimin ndërsektorial mes institucioneve të SHBA-ve dhe Kosovës.

Amerika i jep vërejtjen e dytë Serbisë: Sillni para drejtësisë vrasësit e vëllezërve Bytyçi

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë