Loading…

Vetëm tre futbollistë të Barcelonës kanë pranuar uljen e pagave: Tifozët të irrituar me Messin dhe legjendat tjera të klubi

  • 18/10/2020 | 12:08

Vetëm tre futbollistë të Barcelonës kanë pranuar uljen e pagave: Tifozët të irrituar me Messin dhe legjendat tjera të klubi

Barcelona është duke kaluar nëpër një krizë financiare shkaku i pandemisë Covid-19.


Duke marrë parasysh krizën, katalunasit nuk arritën të blinin edhe lojtarët që i kishin në listën e dëshirave.

Kriza vazhdon të mbretërojë në klubin katalunas që i ka bërë kërkesë futbollistëve të saj të ulin pagat e tyre.

Kjo kërkesë e klubit nuk është pranuar nga shumica e futbollistëve të cilët janë kundër t’i zvogëlojnë pagat e tyre.

Vetëm tre futbollistë të Barcelonës kanë pranuar ulje dhe ata janë portieri Marc-Andre Ter Stegen, mbrojtësi Clement Lenglet si dhe mesfushori Frenkie de Jong.

Lajmi është dhënë në Twitter nga gazetari i Radio Katalunisë, Jordi Borda.

“Ter Stegen, Lenglet dhe De Jong janë tre lojtarët e vetëm të Barçës që kanë nënshkruar duke thënë se pranojnë uljen e pagës”, ka shkruar Borda.

Me të dal ky lajm në media, tifozët e Barcelonës kanë shpërthyer ndaj pjesës tjetër të skuadrës që nuk ka shpreh gatishmëri për ta ndihmuar klubin në këto momente të vështira.

Shumica nga ta janë irrituar me lojtarët e akademisë si Lionel Messi, Sergio Busquets, Gerrard Pique, Sergi Roberto e të tjerët që kanë paga shumë herë më të larta dhe nuk kanë pranuar ulje.

Ka edhe nga ata që mendojnë se Ter Stegen duhet të jetë kapiteni i parë, De Jong i dyti dhe Lenglet i treti.

Gjithsesi gjesti i këtyre tre futbollistëve ka bërë që tifozët t’i bëjnë idhuj të rinj, ndërsa lojtarët e vjetër tanimë nuk po preferohen shumë nga katalunasit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë