Vetëvendosje do jetë e pranishme në seancën për Deharin

Ndonëse sot Lëvizja Vetëvendosje, vendimin e seancës për Astrit Deharin, e quajti në kundështim me rregullorën e Kuvendit, këta të fundit do të marrin pjesë në seancë, pasi e shohin të domosdoshme.

Zyra për informim e kësaj Lëvizje i ka thënë gazetametro.net, se deputetët e Lëvizjes Vetëvendosje do të marrin pjesë në seancë përkundër thirrjes hipokrite qysh e quajnë ata të kryetarit të Kuvendit Kadri Veseli.

“Duke e ditur që i njëjti ka pamundësuar dy seanca përmes presionit të deputetëve me tërheqje nënshkrimesh na bën të qartë se kjo iniciativë nuk ka asgjë të sinqertë dhe nuk po trajtohet si obligim i Kuvendit”, tha Tinka Kurti nga zyra për informim e VV-së./gazetametro.net