Vetëvendosje e fiton ulësen e 52-të, PDK e humb një.

Lëvizja Vetëvendosje dhe Partia Demokratike janë duke u “shtyrë” njëra me tjetrën për një deputet gjatë numërimit të votave me postë, përcjell Gazeta Metro.

Sipas rezultateve të deritanishme, VV ka fituar deputetin e 52-të, ndërsa PDK e ka humbur një, duke mbetur në 22.

Nga ky rezultat duket se do të pësojë kandidati për deputet Bekim Haxhiu, ndërsa një ulëse do ta zë Sylejman Meholli i VV-së.

Ndërkaq, sipas rezultateve të deritanishme, VV ka marrë 45.90% apo 352,985 vota, pasuar nga PDK me 19.95% apo 153,428 vota, LDK 17.04% apo 131,014 vota dhe Aleanca me 6.89% apo 52,951 vota.