Loading…

Vetëvendosje me ‘fakte’ të reja për pafajësinë e aktivistëve të saj

  • 16/01/2017 | 13:40

Vetëvendosje me ‘fakte’ të reja për pafajësinë e aktivistëve të saj

Sekretari organizativ i Lëvizjes Vetëvendosje, Dardan Molliqaj, ka vazhduar paraqitjen e fakteve të reja që ai pretendon se dëshmojnë pafajësinë e aktivistëve të Vetëvendosjes për rastin e sulmit ndaj Kuvendit. 


“Agjensioni Kosovar i Forenzikës nga analizimi i të gjitha pajisjeve që u janë sekuestruar aktivistëve të akuzuar për terrorizëm, nuk ka gjetur asnjë provë që do të dëshmonte lidhjen e tyre me sulmin në Kuvend. Pajisjet e sekuestruara të aktivistëve nuk u janë kthyer ende”, ka thënë Molliqaj përmes rrjetit social Facebook.

Sipas tij kjo dëshmon që bastisjet e aktivistëve dhe paraqitja bombastike mediale e pajisjeve të tyre gjoja si prova, kanë qenë montime politike për efekte mediale.

Molliqaj ka paralajmëruar fakte të reja lidhur me aktivistët të Vetëvendosjes e akuzuar për terrorizëm, transmeton gazetametro.net.

Forenzika per rastin e sulmit ndaj Kuvendit

Kujtojmë që në mesin e të akuzuarëve ishte edhe tashmë i ndjeri, Astrit Dehari, vdekja e të cilit ende nuk është zbardhë krejtësisht.

“Ditëve në vijim do të publikoj edhe faktet e tjera të dokumentuara që dëshmojnë se aktivistët e arrestuar tash e 136 ditë po mbahen politikisht dhe pa asnjë prove”, bëri të ditur ai.

Ndryshe, Molliqaj ka publikuar edhe ditën e djeshme FAKTE që sipas tij flasin për pafajësinë e aktivistëve të subjektit që ai i takon. /gazetametro.net.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë