Viktima e parë nga reshjet në Shqipëri

Reshjet e mëdha në Shqipëri përveç dëmeve materiale kanë sjellë deri edhe te vdekja e një personi.

Sipas të dhënave që vijnë nga Policia e Korçës mësohet se viktima është një femër me inicialet M.A dhe se ngjarja ka ndodhur në fshatin Vërdovë të Pogradecit.

Këtu thuhet se viktima është rrëmbyer nga ujërat e lumit në këtë fshat, raporton Alsat-m.

Trupi i pa jetë i viktimës është duke u kërkuar nga autoritetet e Shqipërisë, shkruan gazetametro.net.

Qarku i Vlorës gjatë gjithë natës e edhe në këto momente është përballur me reshje të intensitetit të dendur.

Poashtu edhe qarqet shkodër, Fier, Lezhë kanë reshje të dendura të shiut.

Gazetametro.net ka raportuar gjatë ditës së sotme edhe për bllokimin që i kanë bërë reshjet e shiu autostradës Durrës-Tiranë./gazetametro.net