Loading…

Viti 2016, me çmime më të larta për 0.3 %

  • 17/01/2017 | 09:24

Viti 2016, me çmime më të larta për 0.3 %

Të dhënat e Agjencisë së Statistikave të Kosovës (ASK), tregojnë se në Kosovë ka rritje të çmimeve të konsumit.


Sipas “Indeksit të harmonizuar të çmimeve të konsumit (IHÇK)”, për muajin dhjetor të vitit 2016, indeksi i tërësishëm i harmonizuar i çmimeve të konsumit në vend është më i lartë për 0.4 për qind në muajin dhjetor 2016, krahasuar me muajin nëntor 2016.

Ndërkohë që shkalla e inflacionit e matur në muajin dhjetor 2016 me muajin dhjetor 2015 është 1.3 për qind. Këto të dhëna tregojnë se shkalla mesatare vjetore e inflacionit në vitin 2016 ishte 0.3%, transmeton gazetametro.net

Përfaqësues të konsumatorëve këtë ngritje e kanë quajtur të papranueshme dhe kanë kërkuar nga Qeveria që të mbikëqyrë dhe kontrollojë çmimet, ndërkohë që ministrja e Tregtisë dhe e Industrisë, Hykmete Bajrami, ka thënë se Kosova me Kushtetutë është ekonomi e lirë e tregut dhe se shteti nuk ka asnjë mekanizëm për të kontrolluar këtë ngritje të çmimeve, , shkruan sot Koha Ditore

Kryetari i organizatës “Konsumatori”, Selatin Kaçaniku, ka thënë se shtrenjtimet e të gjitha natyrave dhe të të gjitha përmasave kanë ndikim në mirëqenien sociale të qytetarit konsumator, i cili, siç ka thënë ai, është edhe taksapagues kryesor i buxhetit nga i cili pret një masë kthyese. Kjo masë kthyese sipas tij, qytetarëve nuk u kthehet për shkak të disbalancës së çmimeve.

Edhe kryetari i Odës Ekonomike të Kosovës, Safet Gërxhaliu, ka thënë se është i shqetësuar me rezultatet e raportit të ASK-së për rritjen e çmimeve. /gazetametro.net.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë