Loading…

Vjen kërcënimi nga Turqia: Raketat i kemi blerë për t’i përdorur, jo për t’i ruajtur

  • 16/11/2019 | 23:25

Vjen kërcënimi nga Turqia: Raketat i kemi blerë për t’i përdorur, jo për t’i ruajtur

Turqia bleu sistemin e mbrojtjes raketore S-400 të Rusisë për ta përdorur atë e jo për ta lënë stok – tha të shtunën, disa ditë pas bisedimeve midis presidentëve Trump dhe Erdogan, Ismail Demir, kreu i drejtorisë së industrisë së mbrojtjes të Turqisë, transmeton Gazeta Metro.


Erdogan dhe Trump në Uashington se si të kapërcejnë dallimet në rritje midis dy aleatëve të NATO’s, duke filluar nga ndryshimet në politikën ndaj Sirisë e deri te sanksioneve mbi blerjen nga Turqia të S-400, për të cilën Uashingtoni thotë se përbën një kërcënim për avionët e tyre luftarakë F-35.

Sanksionet nuk janë vendosur ende për Turqinë, e cila filloi të marrë sistemet ruse në korrik.

Në një intervistë për CNN Turk, Ismail Demir tha se nuk ishte logjike për asnjë vend që të blinte një sistem të tillë vetëm për ta lënë mënjanë dhe shtoi se Ankaraja dhe Uashingtoni ishin të përqëndruar në zgjidhjen e çështjes.

“Nuk është qasja e duhur për të thënë se ‘ne nuk do t’i përdorim ato për të mirën e tyre’, për një sistem që kemi blerë jashtë domosdoshmërisë dhe e kemi paguar kaq shtrenjtë. Ne kemi marrëdhënie aleate me Rusinë dhe me Shtetet e Bashkuara. Ne duhet të vazhdojmë të respektojmë marrëveshjet që kemi nënshkruar”, tha Demir.

Trump i bëri thirrje Erdoganit gjatë bisedimeve në Shtëpinë e Bardhë, për të hequr dorë nga sistemi S-400, por Erdogan më vonë tha se Ankaraja nuk mund të dëmtojë marrëdhëniet me Rusinë.

Ai përsëriti dëshirën e Turqisë për të blerë sistemin e mbrojtjes Patriot të SHBA-së, përveç sistemit S-400./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë