Loading…

Vlora Çitaku ia zbulon një gabim të madh kryeministrit në vizitën ‘maratonike’ në SHBA

  • 18/05/2022 | 23:47

Vlora Çitaku ia zbulon një gabim të madh kryeministrit në vizitën ‘maratonike’ në SHBA

Nënkryetarja e Partisë Demokratike të Kosovës dhe ish-ambasadorja e Kosovës në ShBA, Vlora Çitaku, ka komentuar vizitën e kryeministrit Albin Kurti në Shtetet e Bashkuara të Amerikës.


Ish-ambasadorja e Kosovës në ShBA tha se e ka vërejtur që kryeministri Albin Kurti s’është shoqëruar nga Shërbimi Sekret, duke shtuar se ndoshta s’ka bërë kërkesë për përcjellje, shkruan Reporteri.net

“Është përgjegjësi e madhe që ta kesh kryeministrin për një kohë kaq të gjatë në vendin ku shërben. Nuk më ka ndodhur asnjëherë. Mirëpo diçka që unë kam vënë re që shërbimi sekret që rëndom i shoqëron krerët e shteteve, qeverive, nuk e kam parë në përcjellje të kryeministrit (Kurti). Ndoshta s’ka bërë kërkesë. Mua nuk më ka ndodhur”, tha ajo në Kanal 10.

Ajo përmendi vizitat e ish-presidentes Atifete Jahjaga, ish-presidentit Hashim Thaçi, dhe ati të ish-kryeministrave Ramush Haradinaj, Isa Mustafa dhe Avdullah Hoti, duke thënë se ata të gjithë kanë qenë të shoqëruar nga shërbimi sekret.

“Ish-presidentja Jahjaga, ish-presidenti Thaçi, ish-kryeministrat Haradinaj, Mustafa e Hoti kanë qenë të shoqëruar nga shërbimi sekret. Kjo ta heq një barrë të madhe në aspektin logjistik”, shtoi ajo.

Ndryshe, Kurti ndodhet në vizitë zyrtare në Amerikë, që prej datës 6 maj.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë