Loading…

Vonesat për dokumente, MPB’ja thotë se ka pasur prishje të pajisjes dhe jo mungesë të materialit

  • 05/08/2022 | 22:52

Vonesat për dokumente, MPB’ja thotë se ka pasur prishje të pajisjes dhe jo mungesë të materialit

Ministria e Punëve të Brendshme të Kosovës ka konfirmuar se nuk ka mungesë të materialit për dokumente dhe se puna është duke vazhduar me rregull në këtë institucion.


Në një përgjigje për lajmi.net, MPB-ja ka bërë të ditur se aktualisht çdo gjë është në rregull sa i përket furnizimit me materiale për dokumente.

“Momentalisht çdo gjë është në rregull dhe jemi duke proceduar të gjitha llojet e dokumenteve”, thuhet në përgjigjen e MPB-së.

Në anën tjetër, kjo ministri dje ka bërë të ditur përmes një njoftimi për media se më datë 1 gusht të këtij viti, në këtë institucion ka pasur avari njëra nga pajisjet për personalizim të dokumenteve gjë që e ka pamundësuar pajisjen me dokumente personale për qytetarët.

“Pas angazhimit tre ditor të personelit teknik të Departamentit të Prodhimit të Dokumenteve në kuadër të Agjencisë së Regjistrimit Civil, sot është riparuar pajisja dhe menjëherë ka filluar procedimi i dokumenteve personale. Gjithashtu, Ministria e Punëve të Brendshme njofton të gjithë qytetarët që zyrtarët e Agjencisë së Regjistrimit Civil janë duke punuar deri në orët e vona për të përmbushur kërkesat e qytetarëve.”, thuhej në njoftimin e ministrisë.

Mosfunksionimi i pajisjes së lartcekur ka shkaktuar vonesa në pajisjen me dokumente të identifikimit për qytetarët, ndërsa tashmë puna është duke vazhduar me rregull.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë