Loading…

Votojnë serbët e Mitrovicës, presin jetë më të mirë

  • 02/04/2017 | 09:29

Votojnë serbët e Mitrovicës, presin jetë më të mirë

Mbahen zgjedhjet presidenciale në Serbi, 90 vendvotime edhe në Kosovë

Qendrat e votimit për zgjedhjet për kryetar të Serbisë janë hapur me kohë në veri të Mitrovicës, Zveçan, Leposaviq dhe Zubin Potok.

Votuesit iu kanë përgjigjur zgjedhjeve serbe me shpresën për një jetë më të mirë. Kështu thotë edhe Dragisha Kostiq.

“Pres zgjedhje fer dhe qytetarët të dalin në numër sa më të madh.. të fitojë kush është më i miri.. shpresoj në jetë më të mirë sepse gjithmonë zgjedhjet sjellin diçka të mirë”, tha ai.

Ndërkohë, në shkollën e mesme teknike “Mihajllo Petroviq-Allas”, në veri të Mitrovicës, ka votuar edhe kryetar i komunës veriore të Mitrovicës, Goran Rakiç.

“Dalja në numër të madh e qytetarëve që në orët e hershme të mëngjesit ka qenë e pritur dhe jo vetëm e mitrovicasve, por edhe të e tjerëve gjithandej Kosovës. Serbia që sot do ta kuptojë kryetarin e saj, ndërkaq prej nesër do të fillojmë më shpejtë dhe më fortë në fitore të reja”, tha Rakiq.

Nga gjithsej 90 vendvotime që do të jenë në Kosovë, 30 prej tyre janë në komunat veriore të vendit, përkatësisht në veri të Mitrovicës 11, Zveçan 7, Zubin Potok 7 dhe në Leposaviq 5 vendvotime.

Numri i atyre që kanë të drejtë vote në veri të Mitrovicës është rreth 15 mijë e 137 persona/kp

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë