Loading…

“Vrasësi ka pikasur shoferin e autobusit, dy plumba i kanë ikur anash”: Eksperti i sigurisë tregon kush ishte caku

  • 08/12/2021 | 09:40

“Vrasësi ka pikasur shoferin e autobusit, dy plumba i kanë ikur anash”: Eksperti i sigurisë tregon kush ishte caku

Eksperti i sigurisë, Agim Musliu, ka thënë që për vrasjen e trefishtë që ndodhi në Gllogjan cak i sulmit ishte shoferi, kurse sipas tij, dy vrasjet tjera ndodhën aksidentalisht.


Musliu ka thënë se në bazë të dëshmive, vrasësi ka pikasur shoferin e autobusit.

“Pa marrë parasysh asnjë krim nuk mund të jetë i përkryer dhe i planifikuar në mënyrë të përkryer. Mendoj që në bazë të asaj që kemi parë nga mediat në vend të ngjarjes ose në ballinën e autobusit ku është xhami më i madh, vrasësi ka pikasur shoferin e autobusit, por i kanë ikur edhe dy plumba anash. Me ata dy plumba që është gjuajtur shoferi janë vrarë edhe dy të rinjtë tragjikisht. Në fotografi mund të shihni që rreth shoferit është një rreth koncentrik prej pesë plumbave dhe targeti primar i vrasësit ka qenë shoferi. Ne mund të flasim edhe për motivin e tij dhe të paragjykojmë, por derisa të gjindet vrasësi dhe të përcaktohet motivi, nuk mund të dimë pse janë vrarë këta njerëz në një vend të banuar”, ka thënë ai.

Musliu në Klan Kosova, ka thënë që bazuar në rrethanat – vrasësi e ka pasë edhe një ndihmës.

“Për çudi, është mungesë e besimit ndoshta tek organet e policisë dhe ndjekjes. Askush nuk di asgjë që është e pamundur në një krim ose vrasje. Vrasësi ose porositësi është gjithmonë afër. Nuk mund të jetë jashtë rrethit të parë të të vrarëve. Rrethi i parë është që është shumë afër atyre që janë vrarë, mund të jetë kojshi,kushëri, mik ose i njohur, por aty dikun është s’mund të jetë jashtë atij rrethi – dorasi ose porositësi”, ka thënë Musliu.

Kujtojmë që rreth 2 javë më parë tre persona mbeten të vrarë, kur një autobus u godit me plumba të kallashnikovit. Të vrarë mbetën dy nxënës dhe shoferi i autobusit.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë