Vritet 20 vjeçari shqiptar në Itali, vëllai i tij i dyshuari kryesor

20 vjeçari shqiptar, u gjet i vrarë në banesën e tij në Ponte dell’Olio të Italisë. Bëhet fjalë për Enriko Aliaj.

I riu jetonte së bashku me dy prindërit, deri më tani i dyshuari kryesor është vëllai i tij 18 vjeçar.

Ngjarja ka ndodhur në orët e vona të pasdites së 2 qershorit. Mjekët e urgjencës ndërhynë për t’i shpëtuar jetën të riut por rezultoi e pamundur.

Sipas mediave italiane, një prej të dyshuarve për krimin e ndodhur është vëllai 18 vjeçar i Enriko Aliajt. Dyshohet se ngjarja mund të ketë qenë totalisht aksidentale teksa 18 vjeçari ka pasur në dorë armën e shkrepur aksidentalisht që i mori jetën vëllait të tij.

Më pas ka njoftuar menjëherë shërbimet e urgjencës por pavarësisht ndërhyrjes së këtyre të fundit, 20 vjeçari Enriko Aliaj ndërroi jetë në spital.