Vritet influencuesi në Meksikë teksa transmetonte live në TikTok

Një influencues meksikan, César Gastélum, është qëlluar për vdekje ndërsa transmetohej drejtpërdrejt në TikTok, ka raportuar BBC.

Gastélum po filmonte me dy miq jashtë një restoranti të ushqimit të shpejtë në Tres Ríos, në qytetin verior të Culiacán, të martën në mbrëmje, kur dy burra me motoçikletë iu afruan dhe njëri prej tyre e qëlloi nga afër.

Ai kishte më shumë se gjysmë milioni ndjekës në TikTok dhe kryesisht ngarkonte video komike.

Në transmetimin drejtpërdrejt, Gastélum dhe miqtë e tij mbanin veshur pallto dhe çanta portokalli të ndezura që përdoren zakonisht nga shoferët e shpërndarjes.

Media lokale raportoi se veshjet e tyre fillimisht e bënë policinë të besonte se viktima ishte një shofer shpërndarjeje, por zyrtarët u njoftuan më vonë për identitetin e tij.

Policia dhe ekspertët mjeko-ligjorë rrethuan zonën dhe po shqyrtojnë gëzhojat dhe pamjet e kamerave të sigurisë për çdo të dhënë.

Deri më tani nuk ka pasur arrestime dhe dy personat në motoçikletë janë larguar nga vendi i ngjarjes.