Loading…
Vucic e thotë hapur: Kosova do të ndahet
  • 18/03/2019 | 12:50

Vucic e thotë hapur: Kosova do të ndahet

Presidenti i Serbisë, Aleksandar Vucic, në tv pink ka thënë se ndarja e Kosovës është një zgjidhje e mundshme. Ai ka shtuar se Serbia lidhur me Kosovën ka presione nga shumë anë, por po ia del “të ecën nëpër tel”, transmeton Gazeta Metro.

“Pozita jonë në botë është shumë më e mirë se sa më herët, por është vështirë kur keni presione nga anë të ndryshme dhe kur shqiptarët sillen në mënyrë joracionale dhe me papërgjegjësi”, citohet të ketë thënë Vucic.

Sukses i Serbisë, ka thënë ai, është se taksa e Kosovës ndaj mallrave serbe kundërshtohet nga 28 vendet e Bashkimit Evropian, SHBA’ja, Rusia e Kina.

Taksa duhet të hiqet ka thënë ai dhe ka shtuar se “tashmë duhet të vendosim se a do të kemi zgjidhje për Kosovën apo këtë do t’ua lëmë patriotëve të rremë”.

“Nëse thonë konflikt i ngrirë, atëherë duhet pyetur se çfarë do të bënin nëse shqiptarët e Kosovës e marrin Trepçën ose e sulmojnë veriun. Ku është ai konflikt i ngrirë. Për këtë arsye është më mirë të bisedohet që të mos fajësoheni”, ka thënë ai.

Sipas Vucic “është më me rëndësi që serbët e shqiptarët të bisedojnë si të jetojnë njëri pranë tjetrit dhe bashkë në të ardhmen se sa që të vritemi”.

Gjithashtu, Vuçic ka theksuar se Haradinaj po bëhet lider falë taksës prandaj nuk po do të heqë dorë nga ajo.

Ka thënë se amerikanë kanë forcë të jashtëzakonshme, por nuk e kanë atë forcën që e kanë pasur.

Ka nënvizuar se Serbisë askush më nuk mund t’i thotë: “Duhet ta bësh këtë e këtë. Kjo nuk është më në fjalor”.

Ka thënë se disa e akuzojnë të jetë tradhtar, të tjerë të jetë luftënxitës.

Ka potencuar se edhe ndarja është njëra nga zgjidhjet për Kosovën dhe në fund kjo duhet të ndodhë.

“E, nëse flasim për kufijtë, cilët kufij i njohim, as ne nuk e dimë”, ka thënë Vucic duke shtuar se disa i dinë ndërsa për ta janë kufij të tjerë.

“Gjysma e botës thotë se këta janë kufijtë e të ashtuquajturës Kosovë e pavarur, gjysma tjetër thotë se ajo është pjesë e Serbisë”, ka thënë Vucic duke u pyetur me ironi se për cilët kufij është fjala: “spanjollë, italianë, turq, grekë, kinezë, rusë, gjermanë ..” /gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë