Loading…
Vucic nuk e harron lehtë Betejën e Koshares, e përmendi atë edhe në Kinë
  • 25/04/2019 | 23:43

Vucic nuk e harron lehtë Betejën e Koshares, e përmendi atë edhe në Kinë

Presidenti i Serbisë Aleksandar Vuçiq ka thënë se presidenti kinez Xi Jingping e ka dhënë dritën e gjelbër për bashkëpunimin tekniko-ushtarak ndërmjet Serbisë e Kinës.

“Kjo do të thotë furnizim me armatim të ndryshëm, me ç’rast me kushte të favorshme do të bëhemi me pajisjet më të nevojshme për vendin. Me siguri në vitin e ardhshëm do të furnizohemi me pajisje radarësh të avionëve dhe helikopterëve tanë. Dy fluturake pa pilot tashmë i kemi marrë. Po mendojmë të pajisemi edhe me raketat tokë –ajër që janë të jashtëzakonshme”.

“Me këto pajisje Serbia do të mundë ta mbronte qiellin e vet pesë ose gjashtë herë më shumë dhe më mirë se sa që mundet tash”.

Megjithatë,Vuçiqi ka shfaqur drojë për mundësinë që Serbia të pajiset me këtë armatim:

“Për këtë duhet të bisedojmë edhe me disa fuqi të tjera botërore, sepse mund të mos na shikojnë me sy të mirë”.

Sipas tij, brenda dhjetë vjetësh e ardhmja e luftës do të jetë në fluturaket vetëvrasëse pa pilot në mënyrë që të mos vriten njerëzit.

“Për shembull, pas dhjetë vjetësh beteja e Koshares nuk do të mund të përsëritej, pasi që çdo gjë ndryshon”, tha ai duke shtuar se “Serbia që nga tash është shumë më e fuqishme se sa para 20 vjetësh e pas 5 ose 10 vjetësh, ajo do të forcohet edhe shumë më shumë”.

Vuçiq ka thënë se së shpejti e pret vizitën e presidentit të Kinës në Serbi.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë