Loading…

Vucic për planin franko-gjerman: Do të dërgoj përgjigje brenda 24 orëve, disa gjëra s’i pranojmë

  • 27/10/2022 | 12:52

Vucic për planin franko-gjerman: Do të dërgoj përgjigje brenda 24 orëve, disa gjëra s’i pranojmë

Presidenti i Serbisë, Aleksandër Vuçiq, ka deklaruar të enjten se brenda 24 orëve do të japin një përgjigje për planin franko-gjerman.


Ai ka thënë se janë të gatshëm për të negociuar, por shton se disa gjera s’mund t’i pranojnë.

Vuçiq ka theksuar se plani franko-gjerman tashmë e ka gjetur edhe mbështetjen amerikane.

Të mërkurën, emisari amerikan për Ballkanin Perëndimor, Gabriel Escobar, e ka pranuar ekzistencën e një plani të tillë.

Por nuk ka dhënë detaje për përmbajtjen e tij, pos asaj që këtë plan e sheh në përpjekjen e perëndimit për intensifikimin e dialogut Kosovë-Serbi.

Ndërkaq, Vjosa Osmani, presidente e Kosovës, të enjten ka thënë se “asnjëherë nuk e ka mohuar ekzistencën e këtij plani”.

”Në fakt asnjëherë nuk e kam mohuar, ky është një konstatim i gabuar. Në çdo deklaratë kam thënë se ekziston një deklaratë franko-gjermane.  Do të ketë takime në mënyrë që detajet e kësaj iniciative që kanë për qëllim paqen dhe stabilitetin në rajon të shpjegohen më në detaje”, ka thënë Osmani.

Diskutimet për planin franko-gjerman vijnë në një kohë kur më 1 nëntor targat ”KM“, të serbëve do të jenë ilegale – afati për konvertimin e tyre në ”RKS“ ka qenë dy-mujor.

Perëndimi i ka kërkuar Kosovës që ta shtyjë për 10 muaj vendimin për targat, e dialogu të fokusohet në çështje të tjera.

Tash një ide franko-gjermane ekziston, ekzistencën e të cilit e kanë pranuar të gjithë.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë