Loading…

Vucic për “zgjidhje të arsyeshme” për Kosovën

  • 29/08/2018 | 19:34

Vucic për “zgjidhje të arsyeshme” për Kosovën

“Në qoftë se do të mund të merremi vesh mirë, nëse nuk mundemi përsëri mirë. Ky problem ekziston tash e 200 vjet dhe unë do të doja të zgjidhet. Unë s’dua të hyj në gjëra të tyre të brendshme [të shqiptarëve], e jona është të luftojmë për zgjidhje të arsyeshme në interes të Serbisë e popullit serb,”, ka thënë kryetari i Serbisë


Duhet treguar përgjegjësi kur është në pyetje Kosova, ka thënë kryetari i Serbisë Aleksandar Vucic në një tubim të partisë së tij në Donji Mladenovac.

“Disa mund të brohorisin si t’ua ka qejfi, e ai i cili mban përgjegjësi duhet të mendojë mbi të gjitha dhe mbi të tashmen, por edhe mbi të ardhmen dhe për atë se çfarë na pret. Ata që flasin tregime të mëdha dhe i nxjerrin gjoksat patriotikë dhe thonë se do ta jepnim jetën e s’di çka, unë i pyes a doni të shkoni të jetoni në Kosovë. Kur ua bëj këtë pyetje, atëherë të gjithë trimat e ulin kokën”, ka thënë kryetari i Partisë Popullore Serbe, transmeton gazetametro.net.

Ai ka shtuar se dikush duhet të mendojë edhe për të ardhmen, për atë se kujt do t’ia lëmë dhe a do të kemi kujt t’ia lëmë vendin tonë, dhe me këtë rast të ruajmë interesat tona në Kosovë dhe interesat shtetërore e nacionale.

“Në qoftë se do të mund të merremi vesh mirë, nëse nuk mundemi përsëri mirë. Ky problem ekziston tash e 200 vjet dhe unë do të doja të zgjidhet. Unë s’dua të hyj në gjëra të tyre të brendshme [të shqiptarëve], e jona është të luftojmë për zgjidhje të arsyeshme në interes të Serbisë e popullit serb, ka thënë Vucic, njofton B92./gazetametro.net

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë