Loading…

Vucic ta vazhdojë ëndrrën

  • 31/12/2016 | 12:17

Vucic ta vazhdojë ëndrrën

Bajram Gecaj, këshilltar i kryeministrit Isa Mustafa ka thënë se kryeministri Serbisë Aleksandër Vuçiq po sheh ëndërr që ka në dorë liqenin e Ujmanit.


“Kryeministri i Serbisë, Aleksandar Vuçiq, paska thënë se, ‘nuk ka njeri i gjallë në botë që do të mund ta bindte të nënshkruaj që liqeni i Ujmanit t’i takojë Kosovës’! Pa dyshim se Vuçiq, i njohur për mos mbajtjen e premtimeve, këtë premtim do ta mbajë shumë lehtë. Ai e di mirë që askush nuk do t’ia kërkojë nënshkrimin që të heqë dorë nga diçka që nuk është e tija”, ka thënë Gecaj.

Zëvendësministri i Administrimit të Pushtetit Lokal, ka bërë edhe një krahasim lokal për këtë gjë.
“Kjo i bie sikur unë t’i them fqinjit tim të fshatit të Lumbardhit se kurrë nuk nënshkruaj që toka e tyre, ngjitur tokës sime, t’u përkiste atyre, ndërkohë që ata i kanë ‘letrat’ kadastrale dhe nuk qajnë kokën fare për fjalët e mia shterpe!”, ka thënë Gecaj.

E nga profili i tij në Facebook, Gecaj e ka pasur një porosi për Vuçiqin.
“‘Keep dreaming’ (vazhdo ëndërro) i thonë kësaj z. Vuçiq”.

Altoparlant të Vuçiqit e ka quajtur drejtorin e të ashtuquajturës Zyrë për Kosovën në Qeverinë e Serbisë, Marko Gjuriq. E ka komentuar edhe një deklaratë të tij.
“Ndërsa altoparlanti i mu këtij të fundit, Marko Gjuriq, na paska ‘përkujtuar’ se, ‘në dekadat e, siç e quan ai, regjimit komunist, në Kosovë serbët ishin nën presion, dëbim të detyruar, ndalimin e kthimit…’; fjalë këto sigurisht të huazuara nga ndonjë raport i NATO-s për disa nga arsyet e intervenimit të tyre në Kosovë”.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]o.net
Adresa: Rr. Tringë Smajli, Nr. 16
Prishtinë 10000
Kosovë