Vulin në Moskë, reagon Hill: S’duhet të legjitimohet bashkëpunimi me Kremlinin, sikur çdo gjë është në rregull

Për ambasadorin e ShBA-së në Serbi, Christopher Hill, vizita e drejtorit të Agjencisë për Siguri dhe Informacion të Serbisë, Aleksandar Vulin në Moskë nuk mund të shihet si diçka e zakontë.

“Askush nuk duhet t’i japë legjitimitet veprimit rus duke bashkëpunuar me Kremlinin, sikur çdo është në rregull”, ka thënë Hill në një përgjigje me shkrim për Radio Evropa e Lirë, transmeton KlanKosova.tv.

“Agresioni i Rusisë ndaj fqinjit të saj paqësor Ukrainë, është joligjor dhe i paarsyeshëm. Vladimir e nisi këtë luftë brutale. Ai mund dhe duhet t’i japë menjëherë fund asaj dhe ta ndalë vdekjen dhe shkatërrimin që po e bën lufta e tij”.

Duhet theksuar se Drejtori i Agjencisë për Siguri dhe Informacion të Serbisë, Vulin ka marrë pjesë në konferencë ndërkombëtare të sigurisë që është mbajtur në Moskë.