VV’ja në Mitrovicë e do koalicionin me Bahtirin
-
16/12/2016 | 17:51
VV’ja në Mitrovicë, ka votuar me shumicë që kjo parti të futet në koalicion me AKR-në e Agim Bahtirit, sot në mbledhjen e qendrës në Mitrovicë, shkruan Gazeta Metro.
Siç njoftojnë burimet e Metros brenda VV’së, 88 për qind e delegatëve në Mitrovicë kanë votuar që VV’ja të hyjë në koalicion. Ndërkaq, vetëm 6 delegatë të kësaj qendre kanë votuar kundër koalicionit më Bahtirin.
Siç kishte raportuar Gazeta Metro, e konfirmon edhe vetë VV-ja sot. Vetëvendosje do t’i merr tri drejtori në Komunën e Mitrovicës dhe nënkryetarin.
Drejtoria e Arsimit, Drejtoria e Shëndetësisë dhe Drejtoria për Kulturë, Rini dhee Sport, gjithashtu edhe nënkryetari, i takojnë VV’së”, ka thënë Rejhan Fejza, për Gazetën Metro.
Ndryshe, koalicioni në mes VV-së dhe AKR-së nuk mund të zyrtarizohet përderisa nuk votohet në Këshillin e Përgjithshëm./gazetametro.net
