Loading…

Walmsley: Bota duhet ta shohë artin fantastik të Kosovës

  • 29/03/2017 | 16:26

Walmsley: Bota duhet ta shohë artin fantastik të Kosovës

Lidhja që ka kuratori anglez James Walmsley me Kosovën shkon përtej artit. Ishte i ri në këtë profesion kur mori përsipër që të hulumtojë skenën artistike kosovare, për ta prezantuar atë më pas në vendin e tij. Si rezultat i kësaj, u bë pjesë e tri projekteve të mëdha artistike.


Ekspozitat “Fragile State: Art from Kosova”, “Bogujevci/Visual History” dhe “Voices of Kosovo in Manchester”, prapa vetes bartin emrin e tij si kurator. Historia e Kosovës, ajo e luftës, ka qenë pika kryesore, shkruan  “Koha Ditore”.

Përmes veprave të artistëve kosovarë ai i ka treguar botës për luftën, për trazirat, masakrat dhe shpresën. Ka lidhje me këtë vend nga viti 2005. Që nga ajo kohë me punë ka dëshmuar interesimin dhe vlerësimin që i bën artit dhe artistëve kosovarë.

Të martën Walmsley erdhi në Prishtinë për të rrëfyer këtë rrugëtim të tij nëpër histori, nëpërmjet artit. Galeria Kombëtare e Kosovës u bë nikoqire e ligjëratës ku Walmsley zbuloi detaje të përgatitjeve rreth ekspozitave, e njëherësh edhe për projektin e tij të radhës me artistin e njohur kosovar Xhevdet Xhafa.

Walmsley do të jetë kurator i ekspozitës personale të Xhafës, e cila do të hapet në Galerinë Kombëtare të Shqipërisë në shtator të këtij viti./gazetametro.net

Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë