Loading…

Xavi arrin marrëveshje me Barcelonën, zyrtarizimi çështje orësh

  • 28/10/2021 | 13:03

Xavi arrin marrëveshje me Barcelonën, zyrtarizimi çështje orësh

Barcelona dhe Xavi Hernandez thuhet se kanë arritur marrëveshje me këtë të fundit që pritet të bëhet trajneri i ri i klubit nga Camp Nou.

Pas shkarkimit të Ronald Koeman, klubi donte të punonte shpejt për të vulosur trajnerin e ri dhe të gjitha rrugët e qonin drejt Katarit.

Opsioni i parë për Barçën ishte legjenda Xavi, i cili shihej si figura ideale për të nisur një projekt të ri.

Sipas gazetës katalunase Sport, Xavi dhe Barcelona kanë arritur tashmë një marrëveshje që ish-lojtari i Barçës të ulet në stolin e ekipit të parë.

Me marrëveshjen tashmë të mbyllur me trajnerin, tani e vetmja gjë për të bërë është të bien dakord për përfundimin e kontratës që lidh trajnerin me klubin e tij aktual, Al-Sadd.

Trajneri spanjoll ka një klauzolë lirimi prej 1 milion eurosh, ndërsa zyrtarizimi i tij pritet të ndodh në orët e ardhshme.

Barcelona dhe Xavi thuhet se kanë arritur marrëveshje edhe për anëtarët e stafit teknik që do të zbarkojnë me trajnerin e ri të Barçës.

Vëllai i tij Oscar dhe Sergio Alegre, si asistentë, dhe Ivan Torres, si trajner fizik pritet të jenë anëtarët që do të mbërrinin në Barcelonë së bashku me Xavin.

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë