Loading…

Xhaka e cilëson ‘shumë të veçantë’ këtë trajner: Më i miri që e kam pasur gjatë karrierës time

  • 25/01/2023 | 08:59

Xhaka e cilëson ‘shumë të veçantë’ këtë trajner: Më i miri që e kam pasur gjatë karrierës time

Mesfushori me origjinë nga Kosova, Granit Xhaka e ka vlerësuar trajnerin e tij tek Arsenal, Mikel Arteta. Ai ka thënë se gjatë karrierës ka pasur mjaft shumë trajnerë por asnjëherë një si Arteta, transmeton Gazeta Metro.


Xhaka e ka përshkruar trajnerin e ‘Topçinjve’ si ”shumë të veçantë” dhe beson se spanjolli e ka dëshmuar se ata që kanë dyshuar tek ai e kanë gabim pasi u supozua se do të shkarkohej pas një fillimi katastrofik të sezonit të kaluar.

Arsenal humbi tre ndeshjet e para pa shënuar gol, pasi u mposht nga Brentford, Chelsea dhe Manchester City.

”Sezonin e kaluar, ne humbëm tre ndeshjet e para të sezonit. Disa njerëz ishin tashmë në fund të durimit të tyre. Por tani e shini se çfarë mund të ndodh kur i jepni kohë një trajneri. Në fund të fundit, kjo është detyra e tij e parë si trajner. Ai është shumë i veçantë,” tha Xhaka për 20 min.

Tutje, reprezentuesi zviceran thotë se 40-vjeçari është i fokusuar vetëm në futboll, derisa e lartësoi edhe si person jashtë fushave të blerta.

”Kam pasur shumë trajnerë në karrierën time, por kurrë një si Arteta. Ai duket sikur është i fokusuar vetëm në futboll 24 orë në ditë. Ai gjithmonë ka një plan A, B dhe ndoshta dhe një plan Z. Por ai nuk është vetëm në krye taktikisht, por ai është gjithashtu i lartë si person,” tha ai.

Skuadra nga Londra Veriore aktualisht radhitet në pozitën e parë në Premier League me 50 pikë dhe është në një rrugë të mirë për t’u shpallur kampion në Angli pas 19 viteve.

Pengesa e tyre e vetme deri në fund me gjasë do të jetë Manchester City i Pep Guardiolas që viteve të fundit e ka ‘privatizuar’ kampionatin. ‘Citizens’ janë në vendin e dytë me 45 pikë, por kanë një ndeshje më shumë se ‘Topçinjtë’. /gazetametro.net

‘Përhajr’: Granit Xhaka merr urime të shumta, por më i veçanti është i Breel Embolo

Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë