Xhavit Drenori arrin qëllimin, shet veturën për fushatë (Dokument)

Kandidati për deputet nga lista e Lëvizjes Vetëvendosje, Xhavit Drenori, pati paralajmëruar se ka vënë veturën e tij në shitje, me qëllim që me mjetet e fituara nga shitja të financojë fushatën e tij.

Drenori, sot nëpërmes një postimi në Facebook, ka bërë të ditur se ka shitur veturën e tij të tipit ‘Passat’. Ai madje ka publikuar edhe kontratën e shitjes së veturës.

Ai kishte vënë në shitje veturën menjëherë pasi u zyrtarizua kandidatura e tij për deputet në zgjedhjet e 11 qershorit.

Xhavit Drenori më parë ishte anëtar i Partisë Demokatike, përderisa në zgjedhjet lokale në Drenas kishte kandiduar për kryetar komune si i pavarur. Ndërsa në zgjedhjet qendrore ai vendosi të kanidojë për deputet në listën e VV’së.