Ymeri: Qeveria po e shpërfill interesin publik

Kreu i Lëvizjes Vetëvendosje, Visar Ymeri gjatë fjalës së tij me rastin e mbajtjes së interpelancë së kryeministrit Mustafa për shfrytëzimin e thëngjillit dhe minierave kritikoi këtë të fundit për shpërfillje të kësaj çështje.

“Mustafa po e shpërfill këtë çështje që po na dërgon në një kolaps energjetik. Në këtë pikë shihet, qartë se si Qeveria e shpërfill interesin publik”, ka thënë Ymeri, duke cekur se edhe vetë shefi i Qeverisë u mundua të largoj fajin prej vetes gjatë raportimit para deputetëve.

“Edhe Mustafa në fjalën e tij u mundua ta largojë fjalën prej vetes”, ka shtuar ai.

Më tej, Ymeri ka theksuar se në këtë situatë, KEK- u ka dy rrugë, të importojë ose energjinë ose thëngjillin.

“Në momentin kur Korporata Energjetike nuk mund të shfrytëzojë thëngjillin ose duhet të importojë thëngjill ose rrymë”, ka shtuar Ymeri duke konsideruar se rezoluta e propozuar nga subjekti i tij është plotësisht e drejtë.

“Prandaj mendoj se rezoluta është e drejtë dhe duhet të merret me seriozitet nga Qeveria e Kosovës”, ka përfunduar Ymeri. /gazetametro.net