Zaev flet për rastin e Kumanovës, dhe Mirsad Ndrecajn

Lideri i LSDM-së, Zoran Zaev, i cili pret që me përkrahjen e partive shqiptare të bëhet edhe kryeministër i Maqedonisë, në intervistë për “Kurir”-in serb ka folur edhe për ngjarjet e Kumanovës të para dy viteve, me ç’rast njërin nga udhëheqësit e grupit shqiptar Mirsad Ndrecajn e ka quajtur “kriminel, bandit dhe reketash”.

“Shumë struktura janë të përfshira në këtë ngjarje. Njëri nga ta është Sinisha Aleksovski.  Kemi dëgjuar një bisedë mes tij dhe personit që ju e quani komandant NATO, Mirsad Ndrecaj nga Kosova,i njohur si kriminel dhe bandit që reketonte në Kosovë, Serbi, Preshevë, Kumanovë, rajonin e Tetovës, pjesë të Shkupit dhe ata kishin komunikim me të. Pse ata kanë pasur nevojë për të  komunikuar me të. Ka indikacione serioze për Sinisha Aleksovski. Unë mendoj se Shefi i inteligjencës ka qenë tek Gjorge Ivanov, por ka indikacione të tjera që tregojnë përfshirje edhe të strukturave më të larta”, ka thënë Zaev.