Loading…

Zbulohen detaje nga momentet e fundit të jetës së Maradonas: Këto ishin fjalët e tij

  • 26/11/2020 | 19:33

Zbulohen detaje nga momentet e fundit të jetës së Maradonas: Këto ishin fjalët e tij

Fjalët e fundit të Diego Maradonas para se të ndërronte jetë i ishin thënë nipit të tij duke i treguar se nuk ndihej mirë.


Legjenda argjentinase e futbollit ka vdekur ditën e mërkurë pas një sulmi në zemër në shtëpinë e tij në Tigre, afër Buenos Airesit.

Mediat kanë zbuluar detaje nga momentet e fundit të 60-vjeçarit, i cili kishte ngrënë mëngjes dhe pastaj i kishte thënë nipit të tij, Johnny Esposito, se nuk ndihej mirë dhe se do të shtrihej përsëri.

Një infermiere që kujdesej për Maradonan pas lëshimit nga spitali (si pasojë e operacionit në tru), e kishte thirrur ambulancën dhe disa sosh kishin arritur te shtëpia e legjendës.

Mirëpo, ishte vonë, meqenëse Diego Armando Maradona kishte vdekur në momentin kur arriti ndihma e shpejtë dhe ekipi paramjekësor nuk arriti ta kthente në jetë.

Mediat argjentinase e kanë përshkruar në detaje ditën e fundit të jetës së Kampionit të Botës. Duke nisur nga zgjimi në mëngjes kur dukej i zbehtë dhe ankohej se kishte të ftohtë.

Pas ngrënies së mëngjesit, ishte kthyer menjëherë në krevat duke i thënë fjalët e tij të fundit: “Me siento mal”, që në shqip do të thotë: “Ndihem keq”.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë