Zelensky nënshkruan ligjin që integron tregun e energjisë së Ukrainës me BE’në

Vladimir Zelensky ka nënshkruar një ligj që integron tregjet e energjisë të Ukrainës dhe Bashkimit Evropian, sipas një projektligji të publikuar në faqen e internetit të Verkhovna Rada, parlamentit ukrainas.

Ligji u miratua nga parlamenti ukrainas më 7 prill. Ai synon të krijojë një kuadër ligjor gjithëpërfshirës për integrimin e tregut ukrainas të energjisë elektrike në tregun e brendshëm të BE-së.

Dokumenti, në veçanti, parashikon parime të përgjithshme të funksionimit të tregut të energjisë, rregulla uniforme tregtare dhe kërkesa të barabarta për të gjithë pjesëmarrësit.

Gjithashtu siguron sinkronizimin teknik të tregjeve. Prezantohet një mekanizëm për unifikimin e tregut për tregtimin e koordinuar të energjisë elektrike bazuar në çmime dhe vëllime, si në ditën e transaksionit ashtu edhe në bazë të një dite në avancë.