Loading…

Zemaj refuzon ftesën e Komisionit për Shëndetësi, nuk shkon për raportim

  • 30/11/2020 | 16:57

Zemaj refuzon ftesën e Komisionit për Shëndetësi, nuk shkon për raportim

Ministri i Shëndetësisë, Armend Zemaj, ka refuzuar ftesën e Komisionit Parlamentar për Shëndetësi dhe Mirëqenie Sociale për raportim.


Përkundër që anëtarët e këtij komisioni që disa herë janë duke e ftuar atë për raportim, ai ka refuzuar përsëri kërkesën e tyre.

Një gjë të tillë e ka konfirmuar kryetarja e Komisionit për Shëndetësi, Albena Reshitaj.

Ajo ka thënë për Express se disa herë e kanë ftuar për raportim në lidhje me gjendjen sa i përket pandemisë në vend, ministrin Zemaj, por që i njëjti nuk ka pranuar ftesën e tyre.

“Ka disa ditë që komisioni e ka ftuar ministrin për të diskutuar për pandeminë e për vendimet e fundit, por ai sot na ka refuzuar ftesën”, ka thënë ajo.

Sipas Reshitaj, arsyetimi që i është dhënë, është se për shkak të agjendës ministri nuk do të marrë pjesë në raportim.

“ Sot na ka ardhur një email ku është shkruar se për shkak të agjendës ministri nuk mund të jetë prezent në mbledhjen e komisionit”, ka thënë ajo.

Përndryshe, ministri Zemaj është kritikuar gjatë seancës së sotme të Kuvendit të Kosovës për menaxhimin që po bënë me pandeminë.

Atij i është kërkuar që të rimbursoj të gjithë qytetarët që kanë qenë të infektuar me Covid-19, për shkak të shpenzimeve të mëdha që kanë pasur.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë