Zjarri në IML, Gjoshi: Rastësi jo e vogël, një ditë pas intervistimit të Haxhiut nga prokuroria

Betim Gjoshi, sekretar i Partisë Demokratike të Kosovës, është deklaruar rreth zjarrit që përfshiu dy zyre në Institutin e Mjekësisë Ligjore në Prishtinë,  gjë të cilën e ka cilësuar si fatkeqësi, shkruan Gazeta Metro.

Pos kësaj, Gjoshi ka thënë edhe se kjo është rastësi jo e vogël që zjarri ndodhi një ditë pas intervistimit të ministres Albulena Haxhiut, nga prokuroria speciale.

Postimi i plotë:

Është fatkeqësi djegja e ndërtesës së Institutit të Mjekësisë Ligjore në Prishtinë.

Tash, sa më parë, duhet të kemi informata se çka e shkaktoi zjarrin dhe çfarë u dogj?

Cilat janë dëmet dhe a janë shkatërruar provat e ndonjë rasti?

Rastësi jo e vogël kjo ngjarje, një ditë pas intervistimit nga prokuroria të ministres Albulena Haxhiu. Nën vëzhgimin e saj, me 8 dhjetor të vitit të kaluar, ishin zhdukur edhe mostrat e Astrit Deharit. /gazetametro.net

Haxhiu e përfundon intervistën në Prokurorinë Speciale

Zjarr në IML, Policia: Dy zyra janë përfshirë nga flakët, nisin hetimet